الخميس 17 يناير 2013 - 3:05 من طرف محمد دائماً
حتى انتى يالى اسمك قووطة بتزلى فينا ومبسوطة حرام عليكى يا مجنونة خليكى عاقلة ومظبوطة عامللنا ازمة وشبورة وبقيتى فى السوق مشهورة وكل يوم طالعة فى جرنال ومنزللنلك كام صورة بقى ليكى سعر وليكى قيمة يا مفعصة وعاملة سليمة دة مش بعيد بعد شوية نشوف جنابك فى السيما من امتى انتى بعشرة جنية والناس غلابة هتعمل اية بقيتى اغلى من التفااح ومنفضلنا وعاملة اميه مجنونة اكتر من العادة والحالة جفت بزيادة يارب اشوفك يا طماطم من السرايا واخدة شهادة دة حتى شكلك مش هو وبايظة خالص من جوة رضينا وانتى معندانا واخدة الامور عافية وقوة حرام عليكى خنقتينا وبأى حق تزلينا من بعد ما تدخلتى فى ازمة الكل بقى يلعب بيناا هنشتكيكى يا قوطة لمين ولحد امتى نقول صابرين اة ياخوفى منك يا طماطم لا يصرفوكى مع التموين هنضيع ونحتاس من غيرك وعلى العموم كتر خيرك اخرتها بردو يابنت الناس تقلى اصلك وضميرك
انضم إلى المنتدى ، فالأمر سريع وسهل
